دبئی(مانیٹرنگ ڈیسک)متحدہ عرب امارات کے خلاباز کی جانب سے خلا سے سعودی عرب کی مقدس مساجد مسجدالحرام اور مسجد نبویﷺ کی ویڈیو شیئر کی گئی ہے،
اماراتی خلاباز سلطان النیادی اس وقت بین الاقوامی سپیس سٹیشن میں ناسا کے 6ماہ طویل مشن پر موجود ہیں اور وہیں سے وہ اپنے ٹوئٹر اکاﺅنٹ سے باقاعدہ اپ ڈیٹس شیئر کر تے رہتے ہیں،رمضان کی27ویں شب کے موقع پر سلطان النیادی نے اپنے آفیشل ٹوئٹر اکاﺅنٹ پر خلا سے اسلام کے مقدس ترین مقامات،مکہ مکرمہ اور مدینہ منورہ کی عظیم الشان مساجد مسجد الحرام اور مسجد نبویﷺ کے مناظر شیئر کیے،اس ویڈیو میں دیکھا جاسکتا ہے کہ خلا سے نیچے زمین پر دکھنے والے اندھیرے میں بظاہر مسجدالحرام اور مسجد نبویﷺ روشن دکھائی دے رہی ہیں،خلاباز سلطان النیادی رواں ماہ 28اپریل کو طے شدہ سپیس واک پر جانے کی تیاری کر رہے ہیں جو کہ متحدہ عرب امارات اور کسی بھی دوسرے عرب ملک کے لیے پہلا موقع ہوگا،اس سے قبل امریکا،کینیڈا،روس اور فرانس سمیت صرف 9 دیگر ممالک نے یہ کارنامہ انجام دیا ہے،امارتی خلاباز سلطان النیادی نے ناسا کے خلا میں مائیکرو گریوٹی میں انسانی خلیے کی نشونما پر تجربات کیلئے بھیجے گئے مشن کے ہمراہ 2مارچ کو کینیڈی سپیس سٹیشن سے خلا کا سفر شروع کیا تھا۔
