لاہور(کورٹ رپورٹر)سپریم کورٹ پریکٹس اینڈ پروسیجرایکٹ 2023 کو سپریم کورٹ لاہور رجسٹری میں چیلنج کر دیا گیا۔
”پاکستان ٹائم“ کے مطابق مقامی وکیل شاہد رانا نے سپریم کورٹ لاہور رجسٹری میں درخواست دائر کی۔درخواست میں موقف اختیار کیا گیا کہ از خود نوٹسز میں اپیل کا حق آئین میں ترمیم کے بغیر ممکن نہیں۔
درخواست میں موقف اختیار کیا گیا کہ سپریم کورٹ میں بینچز کی تشکیل چیف جسٹس کا انتظامی اختیار ہے،موجودہ ایکٹ سپریم کورٹ کے اختیارات پر قدغن لگانے کے مترادف ہے۔استدعا کی گئی کہ عدالت سپریم کورٹ پریکٹس اینڈ پروسیجر ایکٹ 2023 کو کالعدم قرار دے۔
