لاہور(سٹاف رپورٹر)پاکستان سمیت دنیا بھر میں مزدوروں کا عالمی دن(آج) پیر یکم مئی کو منایا جائے گا ۔
”پاکستان ٹائم“ کے مطابق آج(سوموارکو)پاکستان سمیت دنیا بھر میں محنت کشوں کا عالمی دنا منایا جا رہا ہے ،ا س دن کی مناسبت سے لاہور،کراچی،پشاوراور کوئٹہ سمیت ملک بھر میں مختلف تقریبات کا اہتمام کیا جائے گا جس سے مزدور رہنماﺅں کے علاوہ وفاقی وزراءاور اپوزیشن رہنما خطاب کریں گے۔محنت کشوں کے عالمی دن کے حوالے سے ریڈیو اور ٹیلی ویژن کے ذریعے خصوصی پروگرام پیش کیے جائیں گے، ملک بھر کے اخبارات رنگین ایڈیشن شائع کریں گے۔واضح رہے کہ مزدوروں کا یہ عالمی دن شکاگو میں اپنے حقوق کے حصول کی خاطر جانوں کی قربانی دینے والے مزدوروں کی یاد میں منایا جاتا ہے۔
