اسلام آباد(نیوز رپورٹر )سابق وزیر داخلہ شیخ رشید احمد نے خدشہ ظاہر کیا ہے کہ انکی رہائش گاہ لال حویلی پر حملہ ہونے کا خطرہ ہے۔
”پاکستان ٹائم“ کے مطابق نجی ٹی وی سے گفتگو کرتے ہوئے عوامی مسلم لیگ کے سربراہ شیخ رشید احمد نے کہا کہ دو سے تین دن میں لال حویلی پر حملہ کیے جانے کا پلان ہے،ہماری 4 مرلے کی حویلی انہیں ہضم نہیں ہوتی،ان سے پوچھا جائے کہ بکتر بند گاڑی کا کنٹرول کس کے پاس ہے؟۔شیخ رشید کا کہنا تھا کہ پاکستان پر ابھی بھی ڈیفالٹ کی تلوار لٹک رہی ہے،حکومت نے رمضان میں 20 ارب کی دیہاڑی لگائی،بقول شاہد خاقان عباسی کے آٹے کی لائن میں 20 جانیں گئیں،پاکستان ڈیموکریٹک موومنٹ(پی ڈی ایم)اندر سے ٹوٹ پھوٹ کا شکار ہے۔شیخ رشید نے کہا کہ سابق وزیر اعلیٰ پنجاب پرویز الٰہی کے گھر پر ریڈ کے ذمہ دار محسن نقوی ہیں،محسن نقوی ان کا رشتہ دار بھی ہے۔پنجاب میں الیکشن سے متعلق کیس کے حوالے سے شیخ رشید نے کہا کہ سپریم کورٹ آف پاکستان کا کنڈکٹ بحث کرنا آئین کی خلاف ورزی ہے، 10 مئی اہم دن ہے،اہم فیصلہ آ جائے گا،وزیر اعظم شہباز شریف اور حنا ربانی کھر کی آڈیو لیک ہوئی،وزیر اعظم اور وزیر مملکت کی آڈیو قومی سلامتی سے متعلق ہے۔
