اسلام آباد(سٹاف رپورٹر ) وفاقی وزیر اطلاعات مریم اورنگزیب نے عمران خان کو چیلنج کیا ہے کہ عدالت جا کر جس جس سے خطرہ ہے ثبوت دو ورنہ اپنا منہ بند کرو،عمران خان کے پاوں نہیں دماغ پر دباو ہے۔
”پاکستان ٹائم“ کے مطابق مریم اورنگزیب کا کہنا تھا کہ فارن ایجنٹ بہروپیا ہے، حالات کے مطابق سکرپٹ اور حلیہ بنالیتا ہے، گرفتاری کے ڈر سے چارپائی کے نیچے اور ضمانت خارج ہونے کے ڈر سے ویل چئیر کا ڈرامہ،فارن ایجنٹ تمہارے پاوں پہ دباو نہیں تمہارے دماغ پہ سازشی دباو ہے،وہیل چئیر پر بیٹھ کر الزام نہیں عدالت جاکر تمہاری جان کو جس جس سے خطرہ ہے ثبوت پیش کر دو۔مریم اورنگزیب کا کہنا تھا کہ تمہیں خطرہ اب صرف فارن فنڈنگ، توشہ خانہ ، ٹیرین کیس سے ہے، اِس لئے گولی،پلستر،ڈبے،ویل چئیر اور الیکشن کا بہانہ ہے،عدالت بلائے تو گولی،پلستر،معذوری ، بالٹی ڈبہ اور اب ویل چیئر،پہلے اپنی حکومت ہٹانے کا ملبہ امریکہ پر ڈالا،سائیفر کا ڈرٹی کھیل کھیلا،پھر امریکہ سے معافی مانگ کر جنرل باجوہ،پھر آصف زرداری اور پھر محسن نقوی پر ملبہ ڈالا،چار سال کی ناکامیوں،اسمبلیاں توڑنے کا ملبہ جنرل باجوہ پر ڈالا۔انہوں نے کہا کہ قوم کو گھروں سے نکالنے سے پہلے خود تو گھر سے باہر نکلو ڈرپوک،پہلے کالی بالٹی سے منہ تو باہر نکالنے کا اعلان کرو پھر قوم کو باہر نکالنے کا اعلان کرنا،چیف جسٹس کی تصویر پہ جوتے مارنے کے لئے بھی باہر نکلنے کی کال تم نے دی تھی۔
