اسلام آباد(وقائع نگار خصوصی)وزیر اعظم شہباز شریف کی زیرصدارت وفاقی کابینہ کا اہم اجلاس ہوا ہے جس میں پاکستان تحریک انصاف(پی ٹی آئی) کے احتجاج کو انتشار،فساد اور دہشت گردی قرار دے دیا گیا ہے۔
”پاکستان ٹائم“ کے مطابق وزیر اعظم شہبازشریف کی زیرِ صدارت وفاقی کابینہ کا اہم اجلاس ہوا۔اجلاس میں ملک کی موجودہ صورتحال پرغور کیا گیا۔عمران خان کی گرفتاری کے بعد کی صورتحال پر کابینہ ارکان نے تشویش کا اظہار کیا۔ پر تشددواقعات میں ملوث افراد کیخلاف انسداددہشت گردی ایکٹ کےتحت مقدمات درج کرنےکی سفارش کی گئی۔کابینہ اجلاس میں پی ٹی آئی کے خلاف اقدامات سے متعلق قانونی آپشنز پر غور کیا گیا۔شرکاء کو وزارت داخلہ کی جانب سے امن و امان کی مجموعی صورتحال پر بریفنگ دی دی گئی۔کابینہ کو ملک بھر میں پر تشدد کارروائیوں کے بارے میں آگاہ کیا گیا۔اجلاس میں اظہار خیال کرتے ہوئے وزیر اعظم شہباز شریف نے کہا کہ کسی کو قانون ہاتھ میں نہیں لینے دیں گے،خود کو پرامن جماعت کہنے والے مکمل بے نقاب ہو گئے ہیں۔
