عمران خان کو”خاموش“کرنا ہوتا تو ہم۔۔۔۔مریم اورنگزیب نے ایسی بات کہہ دی کہ ہر کوئی دنگ رہ جائے

اسلام آباد(وقائع نگار)وفاقی وزیر اطلاعات اور پاکستان مسلم لیگ ن کی مرکزی ترجمان مریم اورنگزیب نے کہا ہے کہ عمران خان کو گرفتار یا”خاموش“ کرنا ہوتا تو ہم 14 ماہ انتظار نہ کرتے۔
”پاکستان ٹائم“ کے مطابق عالمی نشریاتی ادارے کو انٹرویو دیتے ہوئے مریم اورنگزیب کا کہنا تھا کہ اسلام آباد ہائی کورٹ سے عمران خان کی گرفتاری قانون کے مطابق تھی، عمران خان نے ہمیشہ عدلیہ کی توہین کی،انہوں نے کبھی قانون کی پاسداری نہیں کی، وہ سمجھتے ہیں کہ کوئی ان سے پوچھ نہیں سکتا،عمران خان پر کرپشن کے الزامات تھے، ان کی گرفتاری سے حکومت کا کوئی تعلق نہیں، یہ گرفتاری نیب نے کی اور قانون کے مطابق تھی۔۔وفاقی وزیر اطلاعات مریم اورنگزیب نے کہا کہ ہم عمران خان کو کیوں نااہل کرانا چاہیں گے؟کوئی بھی جمہوری حکومت ایسا کیوں کرنا چاہے گی؟ عمران خان نے اپنے دور میں سیاسی رہنماوں کو گرفتار کیا اور جیلوں میں ڈالا، انہوں نے اقتدار میں آتے ہی سیاسی رہنماوں کی آواز بند کرنے کی کوشش کی۔انہوں نے کہا کہ گزشتہ تین روز کے دوران کوئی پرامن شہری سڑکوں پر نہیں تھا، صرف مسلح جتھے اور دہشت گرد موجود تھے جنہوں نے ریاستی اور عوامی املاک کو نقصان پہنچایا۔