لاہور (مانیٹڑنگ ڈیسک) سابق وزیر اعظم اور چیئرمین پاکستان تحریک انصاف عمران خان نے 9مئی کے واقعات کی آزادانہ انکوائری کا مطالبہ کردیا۔عمران خان نے کہا کہ مافیا نے میری گرفتاری کے بعد ردعمل کا فائدہ اٹھایا ہے۔
”پاکستان ٹائم“ کے مطابق عمران خان نے الزام لگا یا کہ منظم سازش کے تحت عمارتیں جلائی گئیں، جو لوگ اس میں شامل تھے ان کی ویڈیوز ہمارے پاس ہیں۔مافیا نے میری گرفتاری کے بعد ردعمل کا فائدہ اٹھایا، پی ٹی آئی نے 27سال میں کبھی کسی قسم کا انتشار نہیں کیا، مجھے گولیاں لگیں تب بھی کوئی توڑ پھوڑ اور جلاو¿ گھیراو¿ نہیں کیا۔مجھے جیل میں ڈالنا اور تحریک انصاف پر پابندی لگانا لندن پلان ہے، قوم نے پرامن احتجاج سے سازش کو شکست دینی ہے۔
