لاہور (سٹاف رپورٹر) چیئرمین تحریک انصاف عمران خان کی گرفتاری کے بعد کور کمانڈر ہاﺅس پر حملہ، حساس تنصیبات کی لوکیشنز اور اشتعال انگیز پیغامات کے لئے شرپسند مہم واٹس ایپ گروپس میں بھی چلائی گئی اور گرفتاریوں کے ردعمل کی منصوبہ بندی کرنے والے 159 واٹس ایپ گروپس ٹریک کرلیے گئے۔
پولیس ذرائع نے پاکستان ٹائم کو بتایا کہ نمبروں کے ریکارڈ اور رجسٹریشن کی جانچ شروع کردی گئی، مخصوص عناصر اشتعال انگیزی کے لیے اکساتے رہے، اشتعال پھیلانے والوں کے اکاﺅنٹس کی ٹریکنگ بھی جاری ہے اور ساتھ ہی لاہورکی پی ٹی آئی قیادت کے واٹس ایپ میسجز اور روابط کا جائزہ لیاجارہا ہے۔
ذرائع نے مزید بتایا کہ اشتعال پھیلانے والوں کی گرفتاری کے لیے چھاپہ مار کارروائیاں شروع کردی گئی ہے اور ملزمان کی موبائل فارنزک بھی کروائی جارہی ہے۔
