کور کمانڈر ہاوس میں توڑ پھوڑ،اندر باہر موجود خواتین کی فہرست تیار،گرفتاریاں کب سے شروع ہوں گی؟جانئے

لاہور(سٹاف رپورٹر)لاہور پولیس نے 9 مئی کو کینٹ میں واقع کور کمانڈر ہاو¿س کے اندر اور باہر موجود 300 سے زائد خواتین کی فہرست تیار کرلی اور ان کی جلد گرفتاری کا امکان ہے۔
”پاکستان ٹائم“ کے مطابق 9 مئی کے واقعات میں ملوث افراد کے خلاف تحقیقات جاری ہیں، پولیس نے 300 سے زائد خواتین کی فہرست تیار کرلی، فہرست میں شامل خواتین جناح ہاو¿س کے اندر اور باہر موجود تھیں۔فہرست ٹیکنیکل اور انٹیلی جنس ذرائع سے تیار کی گئی ہے اور پنجاب حکومت سے منظوری کے بعد گرفتاری کا سلسلہ شروع کیا جائے گا۔ذرائع کے مطابق زمان پارک میں شرپسندوں سے متعلق حکمت عملی بھی چند افسران تک محدود رکھنےکا فیصلہ کیا گیا ہے۔دوسری جانب نگران وزیراعلیٰ پنجاب محسن نقوی نے اس حوالے سے آج اعلیٰ سطح کا اجلاس طلب کیا ہے۔وزیراعلیٰ پنجاب اور اعلیٰ حکام چیف الیکشن کمشنر سکندر سلطان راجہ اور الیکشن کمیشن ممبران کو بریفنگ دیں گے۔اجلاس میں پاکستان تحریک انصاف سے متعلق اہم شواہد پیش کیے جائیں گے۔