مانچسٹر(سٹاف رپورٹر)یاسمین ڈار مانچسٹر کی پہلی پاکستانی نژاد مسلم خاتون لارڈ مئیر منتخب ہو گئیں،ان کے خلاف کسی نے ووٹ نہیں ڈالا۔
پاکستان نژاد کونسلر یاسمین ڈار ڈونکاسٹر میں پیدا ہوئیں لیکن ان کی پرورش مانچسٹر میں ہوئی ہے،یاسمین ڈار کا کہنا تھا کہ وہ مانچسٹر میں دوسروں کو بااختیار بنائیں گی۔دوسری جانب کونسلر اختر زمان بولٹن سٹی کونسل کے ڈپٹی لیڈر منتخب ہوگئے،اختر زمان کا تعلق ضلع گجرات سے ہے،کونسلر راجہ محمد ایوب خان میئر آف بولٹن منتخب ہوئے،کونسلر ایوب خان کا تعلق آزاد کشمیر کے ضلع کوٹلہ سے ہے جبکہ کونسلر حاجی محمد فیاض نے چرویل ڈسٹرکٹ کونسل بانمبری آکسفورڈ کے میئر کا حلف اٹھا لیا ہے۔
