کراچی(وقائع نگار)پاکستان تحریک انصاف (پی ٹی آئی) کے رہنما اور سابق گورنر سندھ عمران اسماعیل کو کراچی کے علاقے ڈیفنس سے حراست میں لے لیا گیا ہے۔
”پاکستان ٹائم“ کے مطابق سابق گورنر سندھ عمران اسماعیل کو ڈیفنس فیز 8 کے قریب سے حراست میں لیا گیا۔ عمران اسماعیل کی گرفتاری پر پی ٹی آئی نے اپنے رد عمل میں لکھا کہ اس حکومت کی فاشزم مکمل طور پر بے مثال اور شرمناک ہے۔یاد رہے کہ چند روز قبل پنجاب کے سابق گورنر عمر سرفراز چیمہ کو بھی گرفتار کرکے جیل بھیج دیا گیا تھا ۔دوسری طرف تحریک انصاف کے رہنما حسین جہانیاں گردیزی کو پولیس نے ایک بار پھر گرفتار کرلیا ہے، انہیں ملتان کچہری سے گرفتار کیا گیا۔ پولیس ذرائع کا کہنا ہے کہ حسین جہانیاں گردیزی کیخلاف تھانہ مخدوم رشید میں مقدمہ درج ہے۔حسین جہانیاں گردیزی کو 931/23 مقدمہ میں عدالت پیش کیا گیا تھا اورمجسٹریٹ نجیب اللہ کی عدالت سے حسین جہانیاں گردیزی کو ضمانت ملی، تاہم وہ جیسے ہی عدالت سے نکلے مخدوم رشید پولیس نے انہیں دوبارہ گرفتارکرلیا۔حسین جہانیاں گردیزی کو 2 روز قبل ہی ملتان ہائیکورٹ نے نظربندی کیس میں بھی رہائی دی تھی۔واضح رہے کہ پاکستان تحریک انصاف کے چئیرمین عمران خان کی گرفتاری کے بعد سے ملک بھر میں پی ٹی آئی رہنماو¿ں کو گرفتار کیا جارہا ہے۔
