نیویارک(مانیٹرنگ ڈیسک)امریکی ویب سائٹ” نیٹ فلکس“ نے صارفین کی جانب سے پاس ورڈ شیئر کرنے کے خلاف گھیرا تنگ کرنے کی کوششیں تیز کرتے ہوئے کریک ڈاون شروع کردیا ہے،کمپنی کے ایک بیان کے مطابق ایک نیٹ فلکس اکاﺅنٹ ایک گھرانے کے لئے ہے۔
اس سے قبل نیٹ فلکس نے بتایا تھا کہ تقریبا دس کروڑ صارفین اپنا پاس ورڈ دیگر لوگوں سے شیئر کر رہے ہیں۔ کمپنی کے مطابق اس عمل سے نئے ٹی وی شو اور فلموں کی تیاری میں مشکلات کا سامنا کرنا پڑ رہا تھا۔نیٹ فلکس نے شیئرڈ
اکاﺅنٹ کا اضافہ کیا تھا جن میں صارفین اضافی قیمت کے بدلے نئے صارفین ڈال سکتے ہیں یا نیٹ فلکس پروفائل کو نئے اکاﺅنٹ میں ٹرانسفر کر سکتے ہیں۔کمپنی کے مطابق اسی تجربے کو اب 100 سے زائد ممالک میں لاگو کیا جا رہا ہے۔امریکی کمپنی کے شریک چیف ایگزیکیٹو ٹیڈ سرانڈوس کے مطابق اکاﺅنٹ شیئرنگ کا یہ اقدام ہمیں نئے صارفین کو شامل کرنے کا موقع دے گا جس سے نیٹ فلکس کو طویل مدتی ترقی میں مدد ملے گی۔نیٹ فلکس نے اس سے قبل پاس ورڈ شیئر کرنے والے اکاﺅنٹس کے خلاف کریک ڈاﺅن کرنے کو ملتوی کر دیا تھا تاکہ صارفین کو بہتر تجربہ فراہم کیا جاسکے۔نیٹ فلکس کے مطابق اپریل میں صارفین کی تعداد 232.5 ملین “23 کروڑ 25 لاکھ” تک پہنچ گئی تھی جو کہ ایک ریکارڈ ہے۔
