کراچی(مانیٹرنگ ڈیسک) پاکستان میں پہلی بار آن لائن ایئر ٹیکسی سروس کا آغاز18جون سے ہوگا،ملک کے نو ایئر پورٹس سمیت پرائیوٹ ائیرپورٹ پر بھی سروس مہیا ہوگی۔
ایئر ٹیکسی سروس کے ذریعے دور افتادہ علاقوں میں ہنگامی بنیادوں پرآمد ورفت ممکن ہوسکے گی،ملک کے نو ایئر پورٹس سمیت پرائیوٹ ائیرپورٹ ، رحیم یارخان اور بلوچستان کے لئے بھی سروس میسر ہوگی۔اسکائی ونگزایوی ایشن دنیا کی منفرد سروس کو پاکستان میں متعارف کروا رہی ہے، کمپنی کے مطابق ڈی اے 40 ڈائمنڈ سیریز ماڈل کے جہاز کالیز پر معاہدہ ہوگیا، سنگل انجن جہاز میں بیک وقت 4 مسافروں کی گنجائش ہے، ایریل ٹور کے ذریعے کراچی سے دیہی سندھ تک سروس دی جائے گی، بلوچستان کے دور افتادہ علاقوں تک سروس حاصل کی جا سکے گی، 160 کلو میٹر فی گھنٹہ کی رفتار سے اڑنے والا جہاز جرمن ساختہ ہے، طیارے کی سروس کیلیے ایپ متعارف کرائی جائے گی۔
