پاکستانی معیشت بارے مولانا فضل الرحمان نے ایسی بات کہہ دی کہ شہباز شریف بھی سر پکڑ لیں

پشاور(وقائع نگار خصوصی)پاکستان ڈیموکریٹک موومنٹ (پی ڈی ایم) کے سربراہ اور جمعیت علما ءاسلام (جے یو آئی)ف کے امیر مولانا فضل الرحمان نے کہا ہے کہ پاکستان تحریک انصاف( پی ٹی آئی)کی سابقہ حکومت نے معیشت کوزمین بوس کیا،معیشت اس قدر گر چکی ہے،اسے اگلی حکومت اٹھائے گی،پاکستان کو حقیقی اسلامی ریاست بنانے کے لیے قدامات کر رہے ہیں۔

مزید پڑھیں:9مئی ،قومی اسمبلی میں ذمہ داروں کیخلاف آرمی ایکٹ کے تحت کارروائی کی قرارداد منظور

پشاور میں پریس کانفرنس کرتے ہوئے مولانا فضل الرحمان نے کہا کہ پی ٹی آئی حکومت نے ملکی معیشت کو بے رحمی کے ساتھ زمین بوس کیا،پاکستان اس وقت معاشی بحران کی زد میں ہے،مشکلات کے باوجود موجودہ بجٹ کو متوازن قرار دیا گیا ہے،عوام کو ریلیف فراہم کرنے کے لیے جے یو آئی ف حکومتی کوششوں میں شامل رہے گی، 9 مئی اور ریاستی اداروں پر حملہ کرنے کے واقعات کی شدید الفاظ میں مذمت کی گئی،اس طرح کے فتنے کی بیخ کنی ہونی چاہیئے اور سخت اقدامات کیے جانے چاہئیں،ہماری ملکی سیاست سے وابستگی سے ایک طویل تاریخ ہے،ہم نے سیاست میں اتار چڑھاو کو قریب سے دیکھا ہے۔

سب سے معتبر اور سب سے مستند خبروں، ویڈیوز اور تجزیوں کے لیے ”پاکستان ٹائم‘ کے فیس بک اور ٹوئٹر پیج کا وزٹ کریں

مولانا فضل الرحمان کا کہنا تھا کہ قیام پاکستان کا بنیادی مقصد اسلام کے عادلانہ نظام کا نفاذ تھا،ملک کی اسلامی شناخت کے لیے اپنی جدو جہد جاری رکھیں گے،پاکستان کو حقیقی اسلامی ریاست بنانے اور اسلام کے زریں اصولوں پر عمل کرتے ہوئے مہم کا آغاز کریں گے،ہماری خارجہ پالیسی کا محور پاکستان کا مفاد ہونا چاہئے،کسی بھی ملک کے ساتھ باہمی تعلقات دو طرفہ مفادات کے تحفظ کی ضمانت پر مبنی ہونے چاہئیں،بھارت کے اپنے پڑوسی ملکوں کے ساتھ جارحانہ رویوں کی شدید مذمت کرتے ہیں،کشمیر پر غاصبامہ قبضے کے لیے اقدامات کرنا بھارت کا جارحانہ عمل ہے، جے یو آئی ف کشمیری بھائیوں کے ساتھ بھرپور اظہار یکجہتی کرتی ہے۔

مزید پڑھیں:تحریک انصاف سندھ کے اہم عہدے دار نے استعفیٰ دے دیا

مولانا فضل الرحمان کا کہنا تھا کہ ہم مختلف شعبوں میں چین کی سرمایہ کاری کی پیشکش کا خیر مقدم کرتے ہیں، پاکستان چین دوستی ایک معاشی دوستی میں تبدیل ہوچکی ہے،گزشتہ حکومت نے سی پیک منصوبوں کو منجمد کر دیا تھا،پی ٹی آئی نے چین کے اعتماد کو ٹھیس پہنچائی،چین کا اعتماد بحال ہو گا اور مختلف شعبوں میں سرمایہ کاری آئے گی۔انہوں نے کہا کہ الیکشن میں ہر سیاسی جماعت اپنے مفاد کو دیکھتے ہوئے اقدامات کرتی ہے،جے یو آئی ف پورے ملک میں اپنے امیدوار کھڑے کرے گی،آئین کے تقاضے کے مطابق ملک میں انتخابات ضرور ہوں گے،سیاست میں غلط رحجانات اس سے قبل کبھی نہیں دیکھے،ہماری نئی نسل کے اخلاق کو بگاڑا گیا،چاہتے ہیں ہمارے نوجوانوں کی اصلاح ہو۔

مزید پڑھیں:وفاق کنگال،دفاعی اخراجات کیلئے اضافی قرض لیتے ہیں،شاہد خاقان عباسی