اسلام آباد(کامرس رپورٹر)پاکستان نے بین الاقوامی مالیاتی فنڈ(آئی ایم ایف)کوبیرونی ادائیگیوں کے لیے فنانسنگ پلان فراہم کردیا ہے جس میں چھ ارب ڈالر کی بجائے آٹھ ارب ڈالر کی فنانسنگ کے انتظامات سے آگاہ کیا گیا ہے ۔
ذرائع نے پاکستان ٹائم کو بتایا کہ مانیٹری فنڈ نے بیرونی ادائیگیوں کے لیے چھ ارب ڈالر کی یقین دہانیاں مانگی تھیں جبکہ پاکستان نے بیرون ادائیگیوں کیلئے آٹھ ارب ڈالرکی یقین دہانیاں کرادی ہیں، چین پاکستان کو ساڑھے تین ارب ڈالر فراہم کرے گا، چین کے دو ارب ڈالر ڈیپازٹ میں رکھے رہیں گے جبکہ چین کے کمرشل بینک ڈیڑھ ارب ڈالرفراہم کریں گے۔ سعودی عرب پاکستان کو دو ارب ڈالر ، متحدہ عرب امارات ایک ارب ڈالر، عالمی بینک 50 کروڑ ڈالر اور ایشیا انفراسٹرکچر بینک 25 کروڑ ڈالر فراہم کرے گاجبکہجنیوا کانفرنس کے اعلان کردہ 35 کروڑ ڈالربھی پاکستان آنے کی توقع ہے ۔
یہ بھی پڑھیں:بے نظیر انکم سپورٹ پروگرام کی رقم لینے گئی دو مسیحی خواتین پراسرار طورپر لاپتہ ہوگئیں
