کینبیر(مانیٹرنگ ڈیسک) میٹا اپنے سوشل میڈیا پلیٹ فارمز، فیس بک، انسٹاگرام اور ٹویٹر جیسے نئے پلیٹ فارم تھریڈز پر حکومتی عہدیداروں کے اکاؤنٹس کو لیبل کرنے کا فیصلہ کرنے جارہا ہے۔
عالمی میڈیا رپورٹس کے مطابق آسٹریلیا میں میٹا کے پبلک پالیسی کے سربراہ جوش ماچن نے سینیٹ کو بتایا کہ حکومت کے زیرِدست میڈیا ہاؤسز اور حقائق کی جانچ پڑتال کرنے والے جیسے سرکاری شعبوں کی بہت زیادہ اہمیت ہے اور یہ ہماری خواہش ہے کہ ہم اس کی اہمیت میں مزید اضافہ کریں۔
میٹا کے عہدیدار کی جانب سے یہ بیان میٹا کے تھریڈز کو لانچ کرنے کے بعد سامنے آیا ہے جو کہ مائیکروبلاگنگ سائٹ ٹویٹر کے مماثل ہے۔سینیٹ میں جوش ماچن سے یہ پوچھے جانے پر کہ کیا روس کے سرکاری براڈکاسٹر RT یا چین کی سرکاری نیوز ایجنسی ڑینہوا کو تھریڈز کے مطابق ٹیگ کیا جائے گاَ تو عہدیدار کا کہنا تھا کہ یہ ہماری خواہش ہے۔انہوں نے یہ بھی بتایا کہ حکومتوں سے منسلک کوئی بھی سرکاری میڈیا اگر ہماری پالیسیوں کی خلاف ورزی کرے گا تو ہم اسے اپنے سوشمل میڈیا پلیٹ فارمز سے ہٹا دیں گے۔واضح رہے کہ 2022 میں ٹویٹر نے حکومت سے وابستہ اکاؤنٹس سے ٹیگ ہٹا لیے تھے جس سے صارفین کی ٹویٹر پر خواندگی کی شرح کافی کم ہوگئی تھی۔
یہ بھی پڑھیں:ایتھلیٹس سے زیادتی کرنے والا ڈاکٹر چاقو حملے میں شدید زخمی
