لاہور(نیوز رپورٹر) پنجاب آئی ٹی بورڈ کی حکومتِ پنجاب کیلئے وضع کردہ ڈومیسائل مینجمنٹ سسٹم ایپ کے ذریعے جنوری 2022 سے اب تک پنجاب بھر میں 6 لاکھ 38 ہزار سے زائد ڈومیسائل کا اجراء کیا جا چکا ہے۔ ایپ کی بدولت شہریوں کو لمبی قطاروں اور متعلقہ تحصیل/ضلعی دفاتر کے اضافی چکر لگانے سے نجات ملی ہے اور وہ گھر بیٹھے سمارٹ فون سے ڈومیسائل کیلئے اپلائی کر سکتے ہیں۔ شہریوں کی سہولت کیلئے بذریعہ ای پے پنجاب ڈومیسائل فیس کی ادائیگی کی سہولت بھی دی گئی ہے جس کی مد میں اب تک حکومت کو 4 کروڑ 82 لاکھ روپے سے زائد ریونیو وصول ہوا ہے۔
