اسلام آباد(وقائع نگار)پاکستان پیپلزپارٹی کے مرکزی رہنما اور سابق وفاقی وزیر سیدخورشید احمد شاہ نے کہا ہے کہ پاکستان مسلم لیگ ن کے اندر بڑی جنگ چل رہی ہے، پیپلزپارٹی پر تنقید بچکانہ حرکت ہے، ن لیگ اپنے اندرونی اختلافات کا بوجھ پیپلزپارٹی پر نہ ڈالے، اتحادی حکومت میں کئی بار اختلافات ہوئے مگر آصف زرداری نے شہبازشریف کی بھرپور مدد کی، انتخابات میں تاخیر سے مسائل میں اضافہ ہوگا، ہمیں مل کر پاکستان کے حالات کو بہتر بنانا ہے، ہم پاکستان کو آزاد اور خود مختار ریاست بنانا چاہتے ہیں۔
یہ بھی پڑھیں:چینی کی قیمت میں اضافہ جاری ،زیادہ تر شہروں میں ڈبل سنچری مکمل
نجی ٹی وی کے پروگرام میں گفتگو کرتے ہوئے سید خورشید شاہ کا کہنا تھا کہ پیپلزپارٹی لڑائی سے گریز کرتی ہے، بہتر ہوگا ن لیگ بھی لڑائی کے جواز نہ بنائے، ن لیگ کے اندر بڑی جنگ چل رہی ہے، ان کے اندر اختلافات دنیا کو نظر آرہے ہیں، مسلم لیگ ن اختلافات کا شکار ہے، ن لیگ اپنے اختلافات کا بوجھ پیپلزپارٹی پر ڈال رہی ہے، اتحادی حکومت میں بھی ن لیگ میں اختلافات ہوتے تھے، شہبازشریف اپنے وزیروں میں تصفیہ کراتے رہتے تھے، پیپلزپارٹی پر تنقید بچکانہ حرکت ہے۔انہوں نے سوال اٹھاتے ہوئے کہا کہ چینی کی قیمت میں اضافے پر تنقید کس پر ہورہی ہے؟ یہ تنقید نوید قمر پر ہے یا شہبازشریف پر؟ نوید قمر کو تنقید کا جواب نہیں دینا چاہیے تھا، یہ مسائل پاکستان کے ہیں، کسی ایک سیاسی جماعت کے نہیں ہیں، شہبازشریف نے سمجھداری سے اپنی مدت پوری کی، پیپلزپارٹی نے شہبازشریف کی بھرپور مدد کی، کئی بار مسائل ہوئے، آصف زرداری نے اتحاد قائم رکھا۔
یہ بھی پڑھیں:دنیا بھر میں چینی مہنگی ہے،کوئی مجھ پر انگلی نہیں اٹھا سکتا،جہانگیر ترین بھی بول پڑے
