نیویارک (مانیٹرنگ ڈیسک) امریکہ کی نائب معاون وزیر برائے پاکستان الزبتھ ہورسٹ نے کہا ہے کہ امریکی حکومت پاکستان میں جمہوریت کی سپورٹ جاری رکھے گی،جمہوریت کی سپورٹ میں قابل اعتبار الیکشن بھی شامل ہیں، امریکہ پاکستان میں ایسے معتبر انتخابات کی حمایت جاری رکھے گا جو تشدد سے پاک ہوں اور لوگوں کو یہ فیصلہ کرنے کی اجازت دیں کہ ان پر کون حکمرانی کرتا ہے۔
یہ بھی پڑھیں:امریکی مشیر قومی سلامتی اور چینی وزیرخارجہ کے درمیان اہم ملاقات،کیا گفتگو ہوئی ؟جانئے
نیویارک میں تقریب سے خطاب میں الزبتھ ہورسٹ نے پاکستان پر بھی زور دیا کہ وہ بین الاقوامی مالیاتی فنڈ(آئی ایم ایف)کی تجویز کردہ اصلاحات پر عمل درآمد جاری رکھے کیونکہ یہی اس کی کمزور معیشت کو مستحکم کرنے کا واحد راستہ ہے۔ہورسٹ نے وضاحت کی کہ افغانستان سے امریکی افواج کے انخلا نے امریکہ کو پاکستان کے ساتھ”دو طرفہ تعلقات” کے طور پر دیکھنے کا موقع دیا،ان تعلقات میں اقتصادی سلامتی اور سیاسی صورتحال جیسے اہم پہلووں کا احاطہ کیا گیا ہے،امریکہ پاکستان کی جمہوریت کا حامی ہے لیکن وہ کسی خاص شخص یا جماعت کی حمایت نہیں کرتا۔ ہورسٹ نے کہا کہ ہم پاکستانی عوام کی حمایت کرتے ہیں جو اپنی اگلی حکومت منتخب کرنے کا حق رکھتے ہیں، سفیر ڈونلڈ بلوم نے یہ پیغام تمام اداروں اور تمام فریقوں تک پہنچایا ہے اور میں نے بھی یہی پیغام دیا ہے۔
یہ بھی پڑھیں:لیبیا میں امدادی سرگرمیوں کیلئے آئے یونانی رضاکاروں کوحادثہ، 7افراد ہلاک
