فیصل آباد(بیورو رپورٹ)جمعیت علما اسلام (ف)کے امیر مولانا فضل الرحمان نے کہا ہے کہ ریاست مدینہ بنانے والا آیا اور ملکی معیشت 47 ویں نمبر پر چلی گئی،اب سیاستدان اور جرنیل بھی زور لگا رہے ہیں لیکن ملک مشکلات سے نہیں نکل رہا۔
یہ بھی پڑھیں:پنجاب کی جامعات میں مخصوص مسلک سے تعلق رکھنے والے پروفیسرز کو وائس چانسلر مقرر کیے جانے کے خدشات درست ثابت،محسن نقوی نے ادھوار ایجنڈا پورا کرنا شروع کر دیا
فیصل آباد میں ناموس رسالت کانفرنس سے خطاب کرتے ہوئے مولانا فضل الرحمان نے کہا کہ سیرت اور صورت کے حساب سے حضرت محمدﷺ جیسا کوئی دوسرا پیدا نہیں ہوا،اسلام کے نام پرحاصل کیے گئے ملک میں ناحق خون بہہ رہا ہے،انسانیت کو آج امن چاہیے،مستونگ میں میلاد النبی کے جلوس پر دھماکے کرنے والے دنیا کو کیا پیغام دینا چاہتے ہیں؟ دہشتگردی کا مقصد عالمی سطح پرپاکستان کی معیشت کو نقصان پہنچانا ہے،امریکہ نے اپنا اسلحہ بیچنے کیلئے جنگ مسلط کر کے ہمیں اپنی منڈی بنایا ہوا ہے،2018 میں ملک کی مجموعی ترقی کی شرح 6 فیصد تھی لیکن ریاست مدینہ کا نعرہ لگانے والوں نے اسے منفی صفر کر دیا اور اس ماحول میں بندوق اٹھانا،حملے کرنا،نمازیوں پر حملہ کر کے دنیا کو کیا پیغام دینا چاہتے ہیں کہ یہاں سرمایہ کاری نہ کرو یہاں حالات ٹھیک نہیں ہیں؟۔مولانا فضل الرحمان نے سابق وزیر اعظم عمران خان کو تنقید کا نشانہ بناتے ہوئے کہا کہ آپ نے ٹائیگرز کے ذریعے دفاعی اداروں پر حملہ کیا،فتنہ فتنہ ہے کبھی کہتا کہ امریکہ نے سازش کی،کبھی کہتا ہے کہ نہیں کی،ایک پیسے کی سرمایہ کاری نہیں کہ جو ہوئی تھی اس کو بھی ڈوبا دیا،اب سیاستدان اور جرنیل بھی زور لگا رہے ہیں لیکن ملک مشکلات سے نہیں نکل رہا،اب چین اور سعودی عرب بھی کہتے ہیں کہ اگر یہ دوبارہ آ گیا تو ہمارے پیسے ڈوب جائیں گے۔
یہ بھی پڑھیں:نگران حکومت میں پہلی بار،آج رات پٹرول کی قیمتوں میں کمی متوقع
