مانچسٹر (بیورو رپورٹ )پاکستانی نژاد معروف برطانوی بزنس مین اور پاکستان تحریک انصاف کے چیئرمین عمران خان کے قریبی ساتھی انیل مسرت نے مانچسٹر کے ضرورت مند نوجوانوں کے لئے لاکھوں پاونڈز اکھٹے کر لئے۔
یہ بھی پڑھیں:وفاقی حکومت کا افغان ٹرانزٹ ٹریڈ کے ذریعے لگژری آئٹمز کی درآمد پر پابندی عائد کرنے کافیصلہ
تفصیلات کے مطابق گریٹر مانچسٹر کے نوجوانوں کو روزگار کے یکساں مواقع فراہم کرنے اور معیار زندگی بہتر بنانے کے لئے وی لوو مانچسٹر کے پلیٹ سے فنڈ ریزنگ ڈنر کا اہتمام کیا گیا۔ تقریب کا انعقاد معروف کاروباری شخصیت انیل مسرت کی جانب سے مانچسٹر کے ایک مقامی ہوٹل میں تھا جس میں 5 سو سے سماجی اور کاروباری شخصیات نے شرکت کی۔ شرکا میں وی لوو مانچسٹر کی ٹرسٹی لارڈ مئیر یاسمین ڈار اور لارڈ واجد خان سمیت بڑی تعداد میں برٹش پاکستانیوں نے بھی شرکت کی۔تقریب کے منتظم انیل مسرت کا کہنا تھا نوجوانوں کے لئے کام کرنا اور اس تحریک کا حصہ ہونا ان کے فخر کی بات ہے۔اس موقع پر خطاب کرتے ہوئے شرکا نے لوو مانچسٹر کی جانب سے نوجوانوں کے لئے کئے جانے والے منصوبوں کو خوب سراہا۔شرکا کا کہنا تھا کہ معاشی مسائل دور کر کے نوجوانوں کو یکساں مواقع فراہم کئے جائیں تو معاشرے میں انقلابی تبدیلیاں پیدا کی جا سکتیں ہیں۔تقریب میں مجموعی طور پر 5 لاکھ پاونڈز اکھٹے کئے گئے جو نوجوانوں کے لئے شروع کئے گئے منصوبوں پر خرچ کئے جائیں گے۔
یہ بھی پڑھیں:وفاقی دارالحکومت میں حساس اداروں کا آپریشن، 800 افغانی گرفتار
