پشاور(نیور ڑپورٹر) ایم ون رشکئی تا پشاور موٹروے کو شدید دھند کی وجہ سے بند کر دیا گیا۔
موٹروے پولیس کے مطابق ایم ون رشکئی تا پشاور ٹول پلازہ تک شدید دھند کی وجہ سے موٹروے کو رات گئے بند کر دیا گیا۔ موٹروے پولیس نے ٹریفک کو رشکئی سے جی ٹی روڈ پر موڑ دیا۔واضح رہے کہ محکمہ موسمیات نے گزشتہ روز خیبر پختونخوا کے مختلف علاقوں میں شدید دھند کی پیشگوئی کی تھی جبکہ بارش کا بھی امکان ہے۔ترجمان محکمہ موسمیات کا کہنا تھا کہ خیبر پختونخوا کے زیادہ تر علاقوں میں صبح اور شام کے اوقات میں شدید دھند رہنے کا امکان ہے۔
