اسلام آباد(بیورو رپورٹ)پاکستان مسلم لیگ ن کی ترجمان اور سابق وفاقی وزیر اطلاعات مریم اورنگزیب نے پاکستان تحریک انصاف(پی ٹی آئی)کے انٹرا پارٹی انتخابات پر ایسی بات کہہ دی ہے کہ آپ کی بھی ہنسی چھوٹ جائے گی۔
”پاکستان ٹائم“کے مطابق مسلم لیگ ن کی ترجمان مریم اورنگزیب نے چئیرمین پی ٹی آئی کا انتخاب سلیکشن قرار دیتے ہوئے کہا کہ تحریک انصاف میں ایک بار پھر 100 کرسیاں لگا کر سلیکشن کا عمل صرف 15 منٹ میں مکمل ہوا لیکن پریس ریلیز ڈیڑھ گھنٹہ روک کر عوام اور الیکشن کمیشن کی آنکھوں میں مٹی ڈالنے کی کوشش کی گئی۔انہوں نے کہا کہ الیکشن کمیشن فیصلے پر پی ٹی آئی انٹرا پارٹی انتخابات ہوئے،انتخابات کی جگہ اور پراسس کوخفیہ رکھا گیا، نامعلوم اور خفیہ مقام پر یہ کیسا الیکشن تھا جس کا نہ کوئی تجویز کنندہ اورنہ تائید کنندہ تھا؟انہیں پتا ہی نہیں الیکشن کیا ہوتے ہیں؟۔مریم اورنگزیب کا کہنا تھا کہ اس انٹرا پارٹی الیکشن میں ووٹرز،ووٹر لسٹ،پرائیذائیڈنگ افسر اور الیکشن پراسیس بھی نہیں تھا،دھاندلی زدہ الیکشن دیکھنے ہیں تو پی ٹی آئی انٹرا پارٹی الیکشن دیکھ لیں،یہ الیکشن نہیں پتلی تماشا تھے۔ترجمان ن لیگ نے کہا کہ رہنماوں اور کارکنوں کے خوف سے انہیں الیکشن پراسیس سے ہی باہر کر دیا گیا،آر ٹی ایس بٹھا کر اقتدار میں آنے والوں کی عادت نہیں بدلی،اپنے اعمال اور کرتوت تو ٹھیک کرنے نہیں مگر اب یہ الیکشن کمیشن اور چیف الیکشن کمشنر کو دھمکیاں و گالیاں دیں گے،یہ پارٹی کس منہ سے صاف و شفاف الیکشن کا مطالبہ کر رہی ہے؟انٹرا پارٹی الیکشن کو پورے گھر کے لوگ مینج کر رہے تھے،اس لیے الیکشن کمیشن کو پی ٹی آئی انٹرا پارٹی الیکشن کا نوٹس لینا چاہئے۔مریم اورنگزیب نے کہا کہ 9 مئی واقعے کے ماسٹرمائنڈ ملک میں صرف انتشار،غنڈہ گردی چاہتے ہیں،لیول پلیئنگ فیلڈ کا نعرہ لگانے والوں کے اعمال اور کرتوت ایسے ہیں۔واضح رہے کہ تحریک انصاف کے آج پشاور میں ہونے والے انٹرا پارٹی انتخابات میں عمران خان کے نامزد امیدوار بیرسٹر گوہر علی بلا مقابلہ چیئرمین اور عمر ایوب سیکرٹری جنرل منتخب ہو گئے ہیں۔
