اسلام آباد(کرائم سیل)فیڈرل انویسٹی گیشن ایجنسی(ایف آئی اے) نے پاکستان تحریک انصاف(پی ٹی آئی )کے رہنما اور سابق مشیر احتساب بیرسٹر شہزاد اکبر مرزا کی گرفتاری کے لیے انٹر پول کو خط لکھ دیا ہے۔
یہ بھی پڑھیں : بشریٰ بی بی اورلطیف کھوسہ کی آڈیو لیکس ،آئی ایس آئی کو سراغ لگانے کا حکم
”پاکستان ٹائم“کے مطابق سابق مشیر داخلہ بیرسٹر شہزاد اکبر کی گرفتاری کے لیے اسلام آباد پولیس کی جانب سے ایف آئی اے کو خط لکھا گیا جس کے بعد تحقیقاتی ادارے نے انٹرپول کو خط لکھا۔واضح رہے کہ شہزاد اکبر کے خلاف اسلام آباد کے تھانہ سیکرٹریٹ میں فراڈ اور نوسربازی کا مقدمہ درج ہے اور انہیں اسی مقدمے میں اشتہاری بھی قرار دیا گیا ہے۔اس کے علاوہ شزاد اکبر کو 190 ملین پاونڈ سکینڈل کیس میں گرفتار کر کے 6 جنوری کو احتساب عدالت میں پیش کرنے کا حکم بھی دیا گیا ہے۔
