اسلام آباد (مانیٹرنگ ڈیسک) سابق خاتون اول کو توشہ خانہ کیس میں نیب نے ایک بار پھر طلب کر لیا ۔
نجی ٹی وی کے مطابق نیب کی جانب سے بشریٰ بی بی کو فائنل کال اپ نوٹس جاری کرتے ہوئے 11دسمبر کو میلوڈی آفس میں طلب کیا گیا ہے ،نوٹس میں کہا گیا ہے کہ آپ کو متعدد بار کہا گیا کہ توشہ خانہ کے تحائف پیش کریں ،آپ کے پاس توشہ خانہ کے تحائف سے متعلق وضاحت کا آخری موقع ہے ،نوٹس میں بشریٰ بی بی کو خاندان کے کسی مرد کے ساتھ پیش ہونے کی ہدایت کی گئی ہے ۔
