اسلام آباد(سٹاف رپورٹر) نگران وزیر مملکت مشعال ملک نے مطالبہ کرتے ہوئے کہا ہے کہ مقبوضہ کشمیر کے مقدمے کو عالمی عدالت میں لیجایا جائے۔
”پاکستان ٹائم“کے منطابق نگران وزیر مملکت مشعال ملک نے اسلام آباد میں ہیومن رائٹس کونسل کے زیر اہتمام کشمیر کانفرنس کی تقریب سے خطاب کرتے ہوئے کہا کہ مسئلہ کشمیر کو اقوام متحدہ کی قراردادوں کے مطابق حل کرنا چاہئے،بھارت مقبوضہ کشمیر میں انسانی حقوق کی شدید خلاف ورزیاں کر رہا ہے،بھارت مقبوضہ کشمیر میں آبادی کے تناسب کو خراب کر رہا ہے،عالمی برداری مسئلہ کشمیر کو حل کرنے میں سنجیدگی کا مظاہرہ کرے،بھارت نے مقبوضہ کشمیر میں لاکھوں افراد کو شہید کیا،انسانی حقوق کے عالمی دن پر مقبوضہ کشمیر کے حوالے سے آواز بلند کرنے کی ضرورت ہے۔مشعال ملک نے کہا کہبھارت مقبوضہ کشمیر میں معصوم کشمیریوں کی نسل کشی کر رہا ہے، مقبوضہ کشمیر میں انسانی حقوق نہیں ہیں،مقبوضہ کشمیر اس وقت دنیا کی سب سے بڑی جیل ہے،بھارتی فورسز انسانی حقوق کی سنگین خلاف ورزی کر رہی ہیں،مقبوضہ کشمیر کے مقدمے کو عالمی عدالت میں لے کر جانے کی ضرورت ہے،کشمیر پاکستان کی شہ رگ ہے۔
