منڈی بہاءالدین(بیورو رپورٹ)پاکستانپیپلزپارٹی کے مرکزی رہنما اور سابق وفاقی وزیر قمر زمان کائرہ نے کہا ہے کہ کسی جماعت کو طاقت کے زور پر سیاسی عمل سے باہر نہیں کرنا چاہئے،پیپلزپارٹی کسی جماعت سے کوئی سیٹ ایڈجسٹمنٹ نہیں کررہی۔
”پاکستان ٹائم“کے مطابق قمر زمان کائرہ نے میڈیا سے گفتگو کرتے ہوئے کہا کہ پاکستان میں سب کو سیاست کرنے کا حق ملنا چاہئے، میاں نواز شریف کو لندن روانگی کے وقت سے ہی فیور دی جارہی ہے۔قمر زمان کائرہ نے کہا کہ پیپلز پارٹی سمیت کئی لوگوں کا شکوہ ہے کہ انہیں لیول پلیئنگ فیلڈ نہیں مل رہی، پیپلزپارٹی کسی جماعت سے کوئی سیٹ ایڈجسٹمنٹ نہیں کررہی، ق لیگ، آئی پی پی، ایم کیو ایم سے ایڈجسٹمنٹ کیسے ہوتی ہے یہ بتانے کی ضرورت نہیں۔انہوں نے کہا کہ پیپلزپارٹی نے عوام کے سہارے کے علاوہ کبھی کوئی سہارا نہیں لیا، پی ٹی آئی کے کچھ لوگ اگر کیسز میں ملوث ہیں تو کیسز کا جلد ٹرائل ہونا چاہئے، جزا اور سزا کا فیصلہ عدالتوں سے ہونا چاہئے، اگر کسی نے قانون توڑا ہے تو شفاف طریقے سے کارروائی کی جائے۔
