لاہور(سٹاف رپورٹر)پاکستان مسلم لیگ ن کے صدر اور سابق وزیر اعظم شہباز شریف نے پاکستان تحریک انصاف(پی ٹی آئی)پر سنگین الزام عائد کرتے ہوئے کہا ہے کہ تحریک انصاف ہمیشہ کی طرح دوغلی،دوہری پالیسی پر کاربند اور انتخابات ملتوی کرانے کی سازش کر رہی ہے۔
”پاکستان ٹائم“کے مطابق مسلم لیگ ن کے پارلیمانی بورڈ سے خطاب کرتے ہوئے سابق وزیر اعظم شہباز شریف کا کہنا تھا کہ تحریک انصاف ہمیشہ کی طرح دوغلی،دوہری پالیسی پر کار بند ہے،میڈیا میں الیکشن جلد کرانے کے اعلان کرتی ہے اور عملی طورپر عدالتوں میں تاخیر کی پٹیشنز کرتی ہے۔شہباز شریف کا کہنا تھا کہ تحریک انصاف کی درخواستیں الیکشن سے فرار کی منصوبہ بندی ہے،یہ جماعت انتخابات ملتوی کرانے کی سازش اور 8 فروری سے فرار کی راہیں تلاش کر رہی ہے،اس کی درخواست عوام کی ترجمانی کو سبوتاژ کرنے کی سازش ہے۔انہوں نے کہا کہ 2018 کے انتخابات میں بیورو کریسی نے ہی ڈی آر او کی ذمہ داری نبھائی تھی،اس وقت بیورو کریسی کے ڈی آراوز کا فرض نبھانے پر اعتراض نہیں کیا گیا۔
