میلبرن(سپورٹس ڈیسک)میلبرن ٹیسٹ ، آسٹریلیا نے پاکستان79 رنز سے شکست دیدی۔
”پاکستان ٹائم “ کے مطابق میلبرن ٹیسٹ میں آسٹریلیا کی جانب سے دیئے گئے 317 رنز کے ہدف کے تعاقب میں پاکستان کی پوری ٹیم دوسری اننگز میں 237 رنز پر آوٹ ہو گئی۔
دوسری اننگز میں پاکستان کا آغاز اچھا نہ رہا اور عبد اللہ شفیق4رنز بنا کر آوٹ ہوگئے جبکہ 12 کے انفرادی اسکور پر امام الحق بھی پویلین لوٹ گئے، تیسرے آوٹ ہونے والے کھلاڑی شان مسعود تھے جو 60 رنز بنا کر آوٹ ہوئے۔ بابر اعظم 41 رنز بنا کر جوش ہیزل وڈ کی گیند پر کلین بولڈ ہو گئے جبکہ سعود شکیل 24 رنز بنا کر اسٹارک کی گیند پر وکٹوں کے پیچھے کیچ آوٹ ہو گئے، محمد رضوان بھی 35 رنز بنا کر پیٹ کمنز کا شکار بنے جبکہ عامر جمال بھی بغیر کوئی رن بنائے پیٹ کمنز کی گیند پر ان ہی کے ہاتھوں کیچ آوٹ ہوئے۔قبل ازیں کھیل کے چوتھے روز آسٹریلیا نے اپنی دوسری نامکمل اننگز کا آغاز 186 رنز 6 کھلاڑی پر کیا اور پوری ٹیم 262 رنز پر آوٹ ہو گئی، ایلکس کیری نے 53 رنز کی اننگز کھیلی۔ ا?سٹریلیا کے مچل مارش 96 رنز بنا آوٹ ہوئے تھے جبکہ اسٹیو اسمتھ 50، پیٹ کمنز 16، نیتھن لائن 11 اور مچل اسٹارک 9رنزبنا کر پویلین لوٹے۔ پاکستان کی جانب سے شاہین شاہ آفریدی اور میر حمزہ نے 4، 4 کھلاڑیوں کو آوٹ کیا جبکہ دو وکٹیں عامر جمال کے حصے میں آئیں۔ ڈیوڈ وارنر 6، مارنس لبوشین 4 رنز بنا کر ا?و¿ٹ ہوئے جبکہ عثمان خواجہ اور ٹریوس ہیڈ کھاتہ ہی نہ کھول سکے۔
![میلبرن ٹیسٹ ، آسٹریلیا نے پاکستان کو شکست دیدی](https://www.pakistantime.com.pk/wp-content/uploads/2023/12/میلبرن-ٹیسٹ-،-آسٹریلیا-نے-پاکستان-کو-شکست-دیدی-940x480.jpg)