کراچی(سٹاف رپورٹر)سوئی سدرن گیس کمپنی لمیٹڈنے اعلان کیا ہے کہ گیس کی قلت کے باعث سندھ میں بجلی پیدا کرنے والے یونٹس اور تمام سی این جی سٹیشنز 30 دسمبر 2023 کی صبح 8 بجے سے یکم جنوری 2024 کی صبح 8 بجے تک 48 گھنٹے بند رہیں گے۔
”پاکستان ٹائم“کے مطابق سوئی سدرن گیس کمپنی لمیٹڈ کی جانب سے جاری بیان میں کہا گیا ہے کہ گیس بندش کی وجہ ایس ایس جی سی کے سسٹم میں گیس کی فراہمی میں کمی ہے جس کی وجہ سے گیس کی دستیابی میں کمی واقع ہوئی ہے۔ اس کے نتیجے میں “لائن پیک میں کمی اور نظام میں کم دباو¿ پیدا ہوا،گیس کی قلت کے باعث سندھ میں بجلی پیدا کرنے والے یونٹس اور تمام سی این جی سٹیشنز 30 دسمبر 2023 کی صبح 8 بجے سے یکم جنوری 2024 کی صبح 8 بجے تک 48 گھنٹے بند رہیں گے جبکہ ایل این جی پر چلنے والے سی این جی سٹیشنز بھی بند رہیں گے۔جمعرات کو کراچی کے علاقے باتھ آئی لینڈ کلفٹن میں 16 انچ قطر کی گیس پائپ لائن کی مرمت کے باعث کراچی کے 16 سے زائد علاقوں میں گیس کی فراہمی معطل ہوگئی تھی۔کمپنی کے مطابق یہ بندش اوگرا کی جانب سے منظور شدہ صنعتی صارفین کے لیے جی ایس اے کی شق نمبر 14 اور ای سی سی کی جانب سے منظور کردہ سیکٹر وار گیس لوڈ مینجمنٹ پلان کے تحت کی گئی ہے۔سوئی سدرن گیس کمپنی (ایس ایس جی سی) نے خبردار کیا ہے کہ اگر کوئی صنعت ’گیس ہالی ڈے پیریڈ‘ کی خلاف ورزی کرتی پائی گئی تو اس کے خلاف سخت کارروائی کی جائے گی۔
