”مجھے بھی تھریٹ ہے لیکن جب میں نے۔۔۔۔مولانا عبد الغفور حیدری کا تشویش ناک انکشاف

اسلام آباد(بیورو رپورٹ)جمعیت علمائے اسلام ف کے مرکزی رہنما سینیٹر مولانا عبدالغفور حیدری نے کہا ہے کہ مجھے تھریٹ ہے،میں نے بلٹ پروف گاڑی مانگی تو کہا گیا آپ خود لے لیں،میں 10 کروڑ کی گاڑی کہاں سے لوں؟۔
”پاکستان ٹائم“کے مطابق سینیٹ اجلاس میں اظہارِ خیال کرتے ہوئے عبدالغفور حیدری نے کہا کہ مولانا فضل الرحمان پر حملہ ہوا،الیکشن کمیشن کو ملاقات میں کہا کہ ہم ان حالات میں الیکشن کرا رہے ہیں،ملک میں امن نہیں ہے،الیکشن کے لیے امن ضروری ہے،خبیرپختونخوا اور بلوچستان میں سردی ہوتی ہے،یہ میں نے اداروں کو بتایا،اس کے باجود ادارے اور عدلیہ الیکشن کرانے پر بضد ہیں۔سینیٹر مولانا عبدالغفور حیدری کا کہنا تھا کہ ماضی میں بھی ہم پر حملے ہوئے جو ہم نے برداشت کیے، مولانا اور مجھ پر قاتلانہ حملے ہوئے لیکن ہم نے اف نہیں کہا،حکومت نے بتایا کہ مولانا فضل الرحمان کو تھریٹ ہے،جب تھریٹ آتے ہیں تو حملہ آور کی تمام تفصیلات بھی بتاتے ہیں،یا تو ملک دہشت گردوں کے حوالے کر دیں اور کہہ دیں ہم تو شو پیس ہیں۔