وزیر اعظم اور وزیر اعلیٰ سندھ کس پارٹی سے ہو گا؟مرتضیٰ وہاب کا ایسا دعویٰ کہ ن لیگ بھی سر پکڑ لے

کراچی(بیورو رپورٹ)پاکستان پیپلز پارٹی کے مرکزی رہنما اور میئر کراچی مرتضیٰ وہاب نے دعویٰ کرتے ہوئے کہا ہے کہ فروری کے بعد وزیر اعظم اور وزیر اعلیٰ سندھ ہمارے ہوں گے،ہماری بلدیہ ٹاون میں موجودگی ہماری سنجیدگی کا اظہار کرتی ہے۔
”پاکستان ٹائم“کے مطابق بلدیہ ٹاون میں تقریب سے خطاب کرتے ہوئے میئر کراچی بیرسٹر مرتضیٰ وہاب کا کہنا تھا کہ پاکستان پیپلز پارٹی کا فلسفہ بلا تفریق خدمت ہے،ہماری بلدیہ ٹاون میں موجودگی ہماری سنجیدگی کا اظہار کرتی ہے،شپ اونر کے پیچھے کا علاقہ کٹی پہاڑی پر کیا ہوا؟پھر اس شہر کے ساتھ کیا ہوا؟اس شہر کے دعویدار تو بہت ہیں، لیکن 30 سالوں میں مسائل کا حل پیپلز پارٹی نے کیا،فروری کے بعد وزیر اعظم اور وزیر اعلیٰ سندھ ہمارے ہوں گے۔مرتضی وہاب نے کہا کہ آج بلدیہ ٹاون میں مستحقین کو زمینیں دیں گے، 30 سال پہلے یہ پلاٹ الاٹ ہوئے تھے،اس کے بعد اورنگی ٹاون کے متاثرین کو زمینیں دیں گے،بلاول بھٹو نے 30 لاکھ گھروں کا وعدہ کیا ہے،ہمارا فرض ہے کہ ہم خدمت کریں،لیاری والوں کو ککڑی گراونڈ دیا،عوام سے وعدہ کرتا ہوں کہ جس گراونڈ میں کھڑا ہوں اس کو سپورٹس سٹیڈیم میں تبدیل کریں گے ،الیکشن کے فورا بعد بلدیہ کے عوام کو یہ کرکے دیں گے،کھیلوں کے لئے سہولیات فراہم کریں گے،گزری، ابراہیم حیدری اور لانڈھی میں گراونڈ بنائے،ملیر کالا بورڈ میں جلد فٹ بال گراونڈ اور کرکٹ سٹیڈیم کا افتتاح کریں گے، سفاری پارک میں ڈائنو پارک بناکر دیا،اگر کراچی والوں نے ساتھ دیا تو 25 ایکڑ پر محیط پارک پاپوش نگر میں بنائیں گے، زپ لائن کڈنی ہل اور باغ ابن قاسم میں بھی بنائیں گے۔