اسلام آباد(بیورو رپورٹ)سردی کی شدت میں اضافہ ہونے کے ساتھ ہی ایل پی جی کی قیمتوں میں اضافہ کر دیا گیا ہے جبکہ اوگرا نے قیمتوں میں اضافے کا نوٹیفکیشن بھی جاری کر دیا ہے۔
”پاکستان ٹائم“کے مطابق حکومت کی جانب سے ایل پی جی کی قیمتوں میں اضافہ کر دیا گیا ہے،اوگرا نے ایل پی جی کی نئی قیمتوں کا نوٹیفکیشن جاری کر دیا ہے۔نوٹیفکیشن کے مطابق ایل پی جی کی قیمت 256 روپے 42 پیسے فی کلو مقرر کی گئی ہے،جس کے بعد ایل پی جی کا 11.8 کلو کا گھریلو سیلنڈر 18 روپے 52 پیسے مزید مہنگا ہو کر 3 ہزار 25 روپے 87 پیسے ہو گیا ہے۔واضح رہے کہ دسمبر میں ایل پی جی کے گھریلو سیلنڈر کی قیمت 3 ہزار 7 روپے 52 پیسے مقرر تھی۔
