اسلام آباد(مانیٹرنگ ڈیسک) پاک ایران حکام کے درمیان مثبت پیغامات کا تبادلہ ،کشیدگی میں کمی آنے لگی ۔
نجی ٹی وی کے مطابق دفتر خارجہ کی ترجمان نے پاکستان اور ایران کے سفارتی حکام کے درمیان مثبت پیغامات کے تبادلے کی تصدیق کی ہے،ایڈیشنل سیکریٹری خارجہ رحیم حیات قریشی نے ایرانی ہم منصب سید رسول موسوی کے پیغام کا جواب دیتے ہوئے کہا کہ آپ کے جذبات کا جواب دیتا ہوں پیارے بھائی رسول موسوی، پاکستان اورایران کے کے برادرانہ تعلقات ہیں، مثبت بات چیت کے ذریعے تمام مسائل کو حل کرنے کے لیے آگے بڑھیں گے، دہشتگردی سمیت مشترکہ چیلنجز کے لیے مربوط کارروائی کی ضرورت ہے۔ایرانی سفارت کار رسول موسوی نے کہا کہ دونوں ممالک کے رہنما اور حکام جانتے ہیںکہ حالیہ تناو¿ کا فائدہ دشمنوں کو ہوگا ،مسلم دنیا کا آج سب سے اہم مسئلہ غزہ میںجاری صیہونیوں کی بربریت اور جرائم ہیں۔
یہ بھی پڑھیں : پاک ایران کشیدگی ،قومی سلامتی کمیٹی کے اجلاس کا وقت تبدیل
