لاہور (سٹاف رپورٹر)پاکستان مرکزی مسلم لیگ لاہور کے جنرل سیکرٹری و امیدوار قومی اسمبلی این اے 129 انجینئر حارث ڈار نے کہا ہے کہ اپنی مدد آپ کے تحت غریب اور متوسط طبقے کو ریلیف فراہم کر رہے ہیں،لاہور میں چلنے والے تندوروں سے ہزاروں افراد کو لاکھوں روپے کے روزانہ سبسڈی فراہم کی جا رہی ہے،آج اس ملک کا سب سے بڑا مسئلہ انتظامیہ میں بدنیتی کا ہے،مرکزی مسلم لیگ قوم کی خدمت کی سیاست پر تربیت کر رہی ہے،آپ ہمارا ساتھ دیجئے مرکزی مسلم لیگ اس ملک کی تقدیر بدلنے کی صلاحیت رکھتی ہے۔
ان خیالات کا اظہار انہوں نے این اے129 میں سستی روٹی تندور کے افتتاح کے موقع پر اہل علاقہ سے گفتگو کرتے ہوئے کیا۔اس موقع پر امیدوار پی پی 171 مرشدارسلان نوید،کوآرڈینیٹر این اے 129 حافظ انعام اللہ سمیت دیگر رہنماوں شرکت کی۔مرشد ارسلان نوید کا کہنا تھا کہ ہمارے شہری کے پاس ایک وقت کی روٹی پوری کرنی مشکل ہو چکی ہے،آج کے دور میں مرکزی مسلم لیگ کی سستی روٹی کے تندور کا اقدام کسی نعمت سے کم نہیں ہے،مرکزی مسلم لیگ ایک نظریاتی جماعت ہے جس کا نظریہ قائد اعظم محمد علی جناح کا نظریہ ہے،مرکزی مسلم لیگ کا جو منشور ہے اس میں سب سے بڑی بات خدمت کی سیاست ہے،ہمیں اپنے وسائل کو بروئے کار لاتے ہوئے ملک کے لیے کردار ادا کرنا ہو گا۔
