اسلام آباد (مانیٹرنگ ڈیسک) سابق وفاقی وزیر اطلاعات فواد چوہدری نے عام انتخابات سے دستبرداری کا اعلان کردیا۔
نجی ٹی وی کے مطابق فواد چوہدری نے الیکشن کمیشن کو خط لکھا ہے کہ الیکشن کا مقصد عوام کو اپنے نمائندے چننے کا اختیار دینا ہے لیکن اگر انتخابات میں چناو¿ ہی نہیں ہے تو انتخابات کا کیا مقصد باقی رہ جاتا ہے ،، جہلم میں کیسے الیکشن ہو رہے ہیں، مجھے الیکشن سے دستبردار کرانے کے لیے جعلی مقدمات میں گرفتار کیا گیا، کاغذات نامزدگی میں رکاوٹ ڈالی گئی، میرا بھائی کاغذات جمع کرانے جہلم پہنچا تو اسے گرفتار کر لیا گیا، اسے دھمکی دی گئی کہ جہلم واپس نہ آنا، مجھے الیکشن سے دستبردار کرانے کے لیے گرفتار کیا گیا، انتخابات کا کھیل اِس طرح رچایا گیا کہ بقول وارث شاہ ”گلیاں ہو جان سنجیاں تے وچ مرزا یار پھرے۔
