شارجہ (فارن ڈیسک)متحدہ عرب امارات کی ریاست شارجہ کے ایک مکان میں آگ لگنے سے پاکستانی با پ بیٹی جان کی بازی ہارگئے ۔ عرب میڈیا کے مطابق اپارٹمنٹ میں آگ لگنے سے دھواں بھرگیا جس میں پاکستانی شہری اور اس کی 11سالہ بیٹی دم گھٹنے سے چل بسی،خاندان کے 3افراد جھلس کر زخمی بھی ہوئے ہیںجو اس وقت ہسپتال کے آئی سی یو میں ہیں۔ شارجہ میں پاکستان کے پریس قونصلر محمد صالح کا کہنا ہے کہ متاثرہ خاندان کو ہرممکن سفارتی امداد فراہم کی جا رہی ہے، آزمائش کی گھڑی میں پاکستانی خاندان کے ساتھ ہیں اور ان کی ہرممکن مدد کی کوشش کریں گے ۔
