لاہور(وقائع نگار خصوصی)استحکام پاکستان پارٹی (آئی پی پی)کے رہنما اور لاہور کے حلقہ این اے 128سے قومی اسمبلی کے امیدوار عون چوہدری نے الیکشن کمیشن سے پولنگ عملے کو تبدیل کرنے کا مطالبہ کر دیا۔
”پاکستان ٹائم“ کے مطابق لاہور میں قومی اسمبلی کے حلقہ این اے 128 میں عون چوہدری اور عمر سہیل ضیا بٹ نے جونئیر ماڈل ہائی سکول ماڈل ٹاون پولنگ سٹیشن کا دورہ کیا۔اس دوران مسلم لیگ ن اور آئی پی پی کے مشترکہ عون چوہدری نے پولنگ سٹیشن میں دھاندلی کا الزام عائد کرتے ہوئے کہا کہ انتظامیہ نے پولنگ سٹیشن کے اندر پی ٹی آئی کا کیمپ لگوا دیا ہے،ووٹرز نے شکوہ کیا کہ پولنگ عملہ آئی پی پی اور ن لیگ کے ووٹ ڈالنے کے لیے آنے والے ووٹرز کو خوار ٓررہا ہے، لسٹوں میں نام نہ ہونے کا بہانہ بنایا جا رہا ہے۔عون چوہدری نے الیکشن کمیشن سے پولنگ عملے کو تبدیل کرنے کا مطالبہ کرتے ہوئے کہا کہ فسطائیت کی سوچ رکھنے والے لوگ بطور پولنگ عملہ تعینات ہیں۔انہوں نے مزید کہا کہ لوگوں کو گمراہ کیا جا رہا ہے تاکہ وہ ووٹ نہ ڈالیں لیکن ہم ڈٹ کر اس دھاندلی اور پیٹرول پمپ والوں کا مقابلہ کریں گے۔یاد رہے کہ این اے 128 میں عون چوہدری کا مقابلہ پی ٹی آئی کے حمایت یافتہ آزاد امیدوار بیرسٹر سلمان اکرم راجا سے ہے۔
