مکہ مکرمہ(وقائع نگار)سعودی عرب نےمسجد الحرام میں پانی کے کین اور بیگ لے جانے پر پابندی عائد کردی ، انتظامیہ کے مطابق پابندی کا مقصد دیگرزائرین کو پریشانی سے بچانا ہے۔
تفصیلات کے مطابق مسجد الحرام کے دروازوں کے نگراں سیف السلمی کے مطابق حرم شریف کے دروازوں پر متعین اہلکاروں کو ہدایت کی گئی ہے کہ وہ کسی بھی ایسے شخص کو مسجد الحرام میں داخل نہ ہونے دیں جن کے ساتھ پانی کے کین یا بڑے سفری بیگ ہوں،اس سے قبل بھی یہ پابندی عائد کی گئی تھی جس کا بنیادی مقصد حرم شریف میں طواف و سعی کے دوران لوگوں کو سہولت فراہم کرنا ہے۔ بعض زائرین بڑے تھیلے یا بیگ اپنے ساتھ حرم شریف کے اندر لے جانے کی کوشش کرتے ہیں جس کی وجہ سے طواف اور سعی کرنے والے دیگر لوگوں کو مشکل پیش آتی ہے، بعض افراد اپنا سامان راہداریوں میں رکھ دیتے ہیں جس کی وجہ سے راستہ بند ہوجاتا ہے۔
