بارسلونا(جنرل رپورٹر) تین افراد کے قتل کے الزام میں جیل میں بند پاکستانی شہری نے مبینہ طور پر ساتھی قیدی کی بھی جان لے لی،دلاور حسین چوہدری تین ہسپانوی بہن بھائیوں کے قتل کے الزام میں قید کی سزا کاٹ کررہاتھا۔ ہسپانوی میڈیا کے مطابق دلاور حسین چوہدری نے مبینہ طورپر واردات کے بعد انٹرکام پر جیل حکام کو خود ہی اطلاع دی جس کے بعد جیل حکام نے ملزم کو الگ کوٹھڑی میں منتقل کردیا جبکہ دونوں قیدیوں کے درمیان جھگڑے کا کوئی بھی ثبوت نہیں ملا۔ جیل حکام کے مطابق وہ جب موقع واردات پر پہنچے تو ایک شخص ہلاک ہوچکا تھا۔
