اسلام آباد (بیورو رپورٹ)بلوچستان میں چار قوم پرست جماعتوں کی جانب سے انتخابات میں مبینہ دھاندلی کے خلاف احتجاج چوتھے روز میں داخل ہو چکا ہے جبکہ پاکستان پیپلز پارٹی نے قوم پرست جماعتوں کی جانب سے صوبے میں دھاندلی کے الزامات کو مسترد کرتے ہوئے کہا ہے کہ قوم پرست جماعتیں جو سیٹیں جیت چکی ہیں ان پر تو خاموش مگر جو ہاری ہیں ان پر واویلا کر رہی ہیں،پروپیگنڈا کرنے والے ہمارا کچھ نہیں بگاڑ سکتے،پاکستان پیپلز پارٹی کو چاروں صوبوں سے عوامی نمائندگی ملی ہے، کمشنر راولپنڈی کے بیان پر تحقیقات لازمی ہونی چاہیئے۔
”پاکستان ٹائم“کے مطابق پیپلز پارٹی کے رہنماوں سربلند خان اورملک شاہ کے ہمراہ پریس کانفرنس کرتے ہوئے سابق وزیر داخلہ سرفراز بگٹی نے کہا کہ الیکشن کا سارا پراسس ہوتا ہے،جہاں آپ جیت رہے ہیں وہ پراسس ٹھیک ہے،جہاں آپ ہارے وہ پراسس ٹھیک نہیں؟سیکیورٹی اداروں کا الیکشن سے کیا لینا دینا؟الیکشن پر ہمارے بھی تحفظات ہیں،ہم نے کوئی سڑک بند نہیں کی،لوگوں کو تکلیف نہیں دی،سڑکیں بند کرنا بلوچستان کے عوام کو تکلیف دینا ہے،انگلی سے سورج کو نہیں چھپایا جا سکتا۔انہوں نے کہا کہ پیپلز پارٹی نے مسلم لیگ ن کا ساتھ دینے کا اعلان کیا ہے،بلاول بھٹو نے الیکشن کو کھلے دل سے تسلیم کیا،پاکستان پیپلزپارٹی کو بھاری مینڈیٹ دیا گیا،سب سے زیادہ ایم پی ایز کی تعداد ہمارے ساتھ ہے،قوم پرست جماعتیں ہارنے پر دھاندلی کا الزام لگا رہے ہیں،الزام لگانے والے لوگ کورٹ جائیں،آئینی راستہ اپنائیں،ہمارے پی پی 9 اور 14 میں مسائل ہیں قانون راستہ اپنائیں گے،ہم لوگوں نے نہ احتجاج کیا نہ سڑکیں بند کیں،ذوالفقار بھٹو کے نظریے پر بلاول بھٹو نے کامیاب کیمپین کی،کامیاب کیمپین کی صورت میں لوگوں نے ہمیں ووٹ دیے،بلوچستان کے حالات کو سامنے رکھ کر عوامی مفاد میں اقدامات کریں گے۔سرفراز بگٹی نے کہا کہ ریاست پاکستان کو ضرورت پڑنے پر پیپلزپارٹی ہمیشہ حاضر ہوئی،مسلم لیگ ن بلوچستان میں سپورٹ کا عندیہ دے چکی ہے، 6 آزاد امیدوار پاکستان پیپلز پارٹی کے ساتھ رابطے میں ہے،پارٹی کے لیڈر جس کا چناو کرے گے سب قبول کریں گے۔اس موقع پر گفتگو کرتے ہوئےپیپلز پارٹی کے رہنما ظہور بلیدی نے کہا کہ سیکورٹی ادارے کا الیکشن میں کوئی کردار نہیں تھا، صاف شفاف انتخابات ہوئے، میرے گھر 2 حملے ہوئے، قوم پرست جماعت کے کسی قائد پرکوئی حملہ نہیں ہوا۔پیپلز پارٹی بلوچستان کے رہنما ملک شاہ نے کہا کہ لوگ سڑکوں پر سیاسیت کر رہے ہیں، بلوچ آزاد ہے ہر کوئی اہمیت کا حامل ہے، الیکشن کا انعقاد صاف شفاف ہوا،عوام کو شعور ہے مگران کے لوگ ہرچیز کی سمجھ رکھتے ہیں،فوج کی وجہ سے ہم تحفظ میں ہیں،تربت سے مانگ تک جانا مشکل تھا فوج کی بدولت با آسانی زندگی گزار رہے ہیں۔
