اسلام آباد (مانیٹرنگ ڈیسک) عمران خان کی ہمشیرہ نے مینڈیٹ چوروں اور کرپٹ ٹولے کے ساتھ مفاہمت کا امکان مسترد کر دیا ۔
نجی ٹی وی کے مطابق علیمہ خان نے میڈیا سے گفتگو میں کہا کہ عوامی مینڈیٹ چوری کرنے اور کرپشن کرنے والوں کے ساتھ کوئی مفاہمت نہیںہو سکتی ،نمل یونیورسٹی کے دو ہزار طلبا کیلئے جو پراجیکٹ شروع ہونا تھا اسے روک دیا گیا ہے ،یونیورسٹی میں 95فیصد بچے سکالرشپ پر پڑھ رہے ہیں ،مزید دو ہزار طلبا کو داخلہ ملنا تھا ،وزیر اعلیٰ پنجاب کی ذمہ داری ہے کہ اس پراجیکٹ پر کسی کو تنگ نہ کیا جائے ،ہم وارننگ دے رہے ہیں کہ طلبا کو تنگ نہ کیا جائے ،یہ سلسلہ نہ رکا تو ہم یونیورسٹی کے باہر احتجاج کرینگے ۔
