لاہور (مانیٹرنگ ڈیسک) پنجاب کی 18رکنی کابینہ نے حلف اٹھا لیا ،گورنر پنجاب نے کابینہ سے حلف لیا ۔
نجی ٹی وی کے مطابق گورنر پنجاب محمد بلیغ الرحمن نے پنجاب کی 18 رکنی کابینہ سے حلف لیا، صوبائی کابینہ کی حلف برداری کی تقریب گورنر ہائوس میں ہوئی، تقریب حلف برداری میں وزیراعلیٰ پنجاب مریم نواز بھی موجود تھیں۔ مریم اورنگزیب نے سینئر منسٹر کا حلف اٹھایا،حلف اٹھانے والے کابینہ کے دیگر ارکان میں خواجہ سلمان رفیق،خواجہ عمران نذیر ،ذیشان زفیق،کاظم پیرزادہ ، رانا سکندر حیات، بلال اکبر خان،سہیل احمد خان ،خلیل طاہر سندھو، فیصل ایوب، اشفاق حسین ،بلال یاسین ،رمیش سنگھ اروڑہ ،شیر علی گورچانی ، سہیل شوکت، عظمیٰ بخاری اور مجتبیٰ شجاع الرحمن شامل تھے۔ وزیراعلیٰ مریم نواز نے حلف اٹھانے والے صوبائی وزرا کو مبارک باد دی اور نیک تمناوں کا اظہار کیا۔
یہ بھی پڑھیں : پشاور ہائیکورٹ کاایک اور بڑا فیصلہ،مخصوص نشستوں پر حلف اٹھانے سے روک دیا
