اسلام آباد(مانیٹرنگ ڈیسک)یورپ جانے کے خواہشمند پاکستانیوں سمیت دیگر ممالک کے افراد کیلئے بڑی خوشخبری آ گئی،شینگن ویزہ پر داخلہ اب مزید آسان ہو گیا جبکہ یورپی پارلیمنٹ نے بھی نئے قوانین کی منظوری دے دی ہے۔
شینگن ویزا انفو نے ایک رپورٹ میں بتایا ہے کہ یورپی پارلیمنٹ نے فردِ واحد کے لیے یورپی یونین کے کسی بھی ملک میں کام اور رہائش کے لیے اجازت نامے کا حصول آسان بنانے کی منظوری دے دی ہے ۔اس حوالے سے یورپی کونسل کی حتمی منظوری بھی لازم ہے۔اس کے بعد ہی نئے قوائد نافذ کیے جاسکیں گے۔یورپی پارلیمنٹ کے بیشتر ارکان نے کسی بھی شخص کے لیے کام اور رہائش کا پرمٹ لینا آسان بنانے سے متعلق تجاویز کی منظوری دی ہے تاکہ اس حوالے سے پائی جانے والی پیچیدگیاں دور ہوں اور افرادی قوت کا مسئلہ بھی موثر طور پر حل ہو۔نئے قوائد کے تحت آجر کی تبدیلی اور بے روزگاری کی صورت میں بھی طویل تر قیام ممکن بنایا جا سکے گا۔کام یا رہائش کے پرمٹ کے لیے جمع کرائی جانے والی درخواست پر فیصلہ اب چار کے بجائے تین ماہ میں کرنا ہو گا۔اگر پیچیدہ تر درخواستیں جمع کرائی جائیں تو پروسیسنگ کی میعاد میں خصوصی طور پر ایک ماہ کا اضافہ کیا جا سکتا ہے۔ترقی پذیر ممالک کے جو باشندے یورپی یونین کے کسی ملک میں ہیں انہیں اب پرمٹ کے حصول کی شرط کے طور پر لازمی طور پر اپنے آبائی ملک نہیں جانا پڑے گا۔آجر،پیشہ یا ورک سیکٹر تبدیل کرنے کے لیے اب نئے آجر کی طرف سے ایک نوٹیفکیشن کافی ہو گا۔پہلے یہ عمل خاصا پیچیدہ تھا۔یورپی یونین کے ارکان خصوصی طور پر 6 ماہ کی پابندی لگا سکتے ہیں جس کے دوران آجر بدلنا ممکن نہ ہو گا۔
