تہران(مانیٹرنگ ڈیسک) آذربائیجان سے واپس ا?تے ہوئے ایرانی صدر کا ہیلی کاپٹر حادثے کا شکار ہوکر تباہ ہوگیا تھا جس کے نتیجے میں صدر ابراہیم رئیسی اور وزیر خارجہ امیر عبدالہیان سمیت 4 افراد جاں بحق ہوگئے۔
عالمی خبر رساں ادارے کے مطابق ہیلی کاپٹر ایرانی صوبے تبریز جاتے ہوئے موسم کی خرابی کے باعث حادثے کا شکار ہوا اور گھنے جنگل میں گر کر تباہ ہوگیا۔ تمام لاشیں مکمل طور پر جل گئیں۔ہیلی کاپٹر میں سوار ہونے کے بعد صدر ابراہیم رئیسی کی ا?خری تصویر منظر عام پر اگئی جس میں انھیں کھڑکی سے باہر دیکھتے ہوئے دیکھا جا سکتا ہے۔اس تصویر میں وہ چند لمحوں بعد پیش انے والے حادثے سے بے خبر مکمل طور پر مطمئن اور پرسکون دکھائی دے رہے ہیں۔ یہ ان کی زندگی کی اخری تصویر ہے۔
خیال رہے کہ روحانی پیشوا ایت اللہ خامنہ ای نے نائب صدر محمد مخبر کو 2 ماہ کے لیے ملک کا عبوری صدر مقرر کر دیا جس کے بعد ملک کے نئے صدر کا انتخاب عمل میں لایا جائے گا۔
جب کہ یہ وہ تصویر جب ایرانی صدر اپنے ا?زربائیجانی ہم منصب کے ساتھ ڈیم کا دورہ کر رہے تھے۔ کسی بھی سربراہ مملکت کے ساتھ ایرانی صدر ابراہیم رئیسی کی یہ ا?خری تصویر ثابت ہوئی۔
