لاہور ( وقائع نگار) پنجاب یونیورسٹی آ ئی ای آر ڈیپارٹمنٹ میں 15ویں پوسٹ گریجوایٹ سٹوڈنٹس کانفرنس کا انعقاد کیا گیا جس میں چیئرمین پی ایچ ای سی ڈاکٹر شاہد منیر نے مہمان خصوصی کی حیثیت سے شرکت کی ۔ڈاکٹر شاہد منیر نے کانفرنس سے خطاب کرتے ہوئے کہا کہ یونیورسٹیز میں انٹرپنیورشپ کا کلچر پیدا کرنا ہو گا۔
ہمیں نوکریوں کے پیچھے بھاگنے کی بجاۓ اپنی کمپینزبنانا ہونگیں۔یونیورسٹیز انڈسٹری لنکجز بڑھانے کی ضرورت ہے۔پی ایچ ای سی نے زندہ موضوعات پر لوکل پی ایچ ڈی اسکیم متعارف کرائی ہے۔ کاروباری ماڈلز بناکر سٹوڈنٹس کو اپنےکاروبار کا شعور دینا چاہیے۔ہمیں اپنے برینڈز متعارف کرانے چاہییں۔
ڈاکٹر شاہد منیر نے کانفرنس کے کامیاب انعقاد پرڈاکٹر طارق محمود ، ڈاکٹر عامر ہاشمی ڈاکٹر شاہد فاروق اور ڈاکٹر فرت علوی اور فیکلٹی ممبران مبارک باد پیش کی اور ان کی خدمات کا سراہا۔ اس موقع پر ڈاکٹر طارق محمود ، ڈاکٹر عامر ہاشمی نے ڈاکٹر شاہد منیر کو اعزازی شیلڈ پیش کی ۔
