اسلام آباد(بیورو رپورٹ)پاکستان تحریک انصاف(پی ٹی آئی) کے بانی چیئرمین اور سابق وزیر اعظم عمران خان نے بین الاقوامی رابطہ کاری سے متعلق بنائی گئی کمیٹی تحلیل کرتے ہوئے نئی کمیٹی تشکیل دے دی۔
”پاکستان ٹائم“کے مطابق سابق وزیر اعظم عمران خان نے بین الاقوامی رابطہ کاری سے متعلق بنائی گئی کمیٹی تحلیل کر تے ہوئے بین الاقوامی سطح پر تعلقات اور رابطہ کاری سے متعلق نئی کمیٹی تشکیل بنا دی،نئی کمیٹی کی سربراہی ذلفی بخاری کریں گے جبکہ ڈاکٹر شہباز گل،عاطف خان اور سجاد برکی بھی نئی کمیٹی میں شامل ہوں گے۔کمیٹی بین الاقوامی سطح پر مختلف امور پر پی ٹی آئی کے لیے روابط کاری کرے گی جبکہ عمران خان کی ہدایت کے بعد نئی کمیٹی کا نوٹیفکیشن جلد جاری کیا جائے گا۔یاد رہے کہ بین الاقوامی روابط سے متعلق ایک کمیٹی گذشتہ روز تشکیل دی گئی تھی،پرانی کمیٹی میں سلمان اکرم راجہ،علی اصغر،خدیجہ شاہ،ولید اقبال اور سجاد برکی شامل تھے۔
