کراچی(بیورو رپورٹ)پاکستان بھر میں سونے کی قیمتوں میں ریکارڈ تیزی کا سلسلہ جاری ہے،فی تولہ سونے کی قیمت تاریخ میں پہلی بار 3 لاکھ روپے سے تجاوز کگئی۔
”پاکستان ٹائم“کے مطابق جیولرز ایسوسی ایشن نے بتایا کہ 24 قیراط کے حامل خالص سونے کی فی تولہ قیمت ایک ہزار 346 روپے بڑھ کر 3 لاکھ 46 روپے ریکارڈ کی گئی ہے۔اسی طرح 24 قیراط 10 گرام سونے کا بھاو ایک ہزار 154 روپے اضافے سے 2 لاکھ 57 ہزار 241 روپے ہو گیا جبکہ 22 قیراط 10 گرام سونا مہنگا ہو کر 2 لاکھ 35 ہزار 812 روپے میں فروخت ہوا۔ادھر چاندی کی فی تولہ اور 10 گرام قیمت بھی بالترتیب 51 روپے اور 44 روپے اضافے کے بعد 3 ہزار 378 روپے اور 2 ہزار 896 روپے تک جا پہنچی۔جیولرز ایسوسی ایشن نے کہا کہ عالمی منڈی میں فی اونس سونا 10 ڈالر مہنگا ہو کر 2 ہزار 869 ڈالر میں فروخت ہوا۔
