لاہور(سٹاف رپورٹر)صدر مملکت آصف علی زرداری سے پیپلز پارٹی کے پارلیمانی وفد کی ملاقات کی اندرونی کہانی سامنے آگئی، پیپلز پارٹی پارلیمانی وفد اور رہنماوں نے آصف علی زرداری کے سامنے شکایات کے انبار لگا دیے۔
”پاکستان ٹائم“ کے مطابق صدر مملکت آصف زرداری سے پنجاب کی پارلیمانی وفد کے اراکین اور تنظیمی رہنماوں نے گورنر ہاوس لاہور میں مرحلہ وار ملاقاتیں کیں،پیپلز پارٹی پارلیمانی وفد اور رہنماوں کا آصف علی زرداری کے سامنے شکایات کے انبار لگا تے ہوئے کہنا تھا کہ انتظامی معاملات میں پیپلز پارٹی کے اراکین کو نظر انداز کیا جاتا ہے،ترقیاتی فنڈز کی تقسیم کے معاملہ میں بھی ترجیح نہیں دی جا رہی جبکہ پیپلز پارٹی کے پارلیمانی وفد نے حلقوں کے مسائل پر بھی آگاہ کیا۔اس موقع پر صدر مملکت آصف علی زرداری نے کہا کہ اتحادی حکومت کے ساتھ چلنا ہماری مجبوری ہے، جانتا ہوں کہ تحریری معاہدے کے نکات پر عملدرآمد نہیں ہو رہا،پارلیمانی وفد آئندہ بجٹ آنے تک مسائل حل ہونے کا انتظار کریں۔بعد ازاں صدر مملکت آصف زرداری پارٹی رہنماو¿ں سے ملاقات کے بعد گورنر ہاو¿س سے روانہ ہوگئے۔
